أرجو من كل شخص يقرأ هذا الكلام جيداً ويفهمه جيداً ثم ينشر على صفحته والصفحات التي يديرها أو المشترك فيها

أرجو من كل شخص يقرأ هذا الكلام جيداً ويفهمه جيداً ثم ينشر على صفحته والصفحات التي يديرها أو المشترك فيها

أنت شايف اللي بيحصل في البلد وشايف المظاهرات .
ممكن تكون انسان مالكش في المظاهرات والنزول .
أو تكون انسان ماعندكش فرصه للإعتصام .
أو انك لا تحب الدخول في السياسه .
أو انك انسان خايف من الحكومه والإخوان يا يعملوا فيك حاجه .
أو انك انسان مسالم ومش عندك مشكله عشان تنزل لها .
أو انك انسان بتقول ممكن مرسي يعمل شئ لمصر ولما نشوف هو هيعمل ايه لنا ونعطيه فرصه .

أحب أقول لك
مصر بتضيع مننا بجد لازم تحس بكده وتفهم كده .
يمكن مفيش عندك مشكله الآن ولكن لو حدث لك مشكله بكره هتشلها انت لوحدك ومحدش هيقدر يساعدك .

الإخوان ملهمش أمان وده كلام التاريخ وزعماءه وقادة العالم .
الإخوان مستنيين يتحكموا في كل مفاصل الدوله وهيوروك العين الحمراء والقهر والذل ومش هتقدر تفتح فمك معاهم .
الإخوان سيطروا على الشرطه والجيش والقضاء انتى هتشتكي لمين .
يوم 24 / 8 كل القوات الخاصه حمت مقاراتهم وبيوت الإخوان وبس وإنت لا قيمه لك في دولتك وبلدك .

بكره مرسي هيعين مستشارين إخوان ورؤساء محاكم اخوان .
وأي قضيه لك مع اخواني هو اللي هيكسبها وحقك هيضيع .

بكره هيعتدوا على أملاكك وممتلكاتك وشركاتك وببيتك ولا حد هيقدر يكلمهم .
لو سياراتك تصادمت مع اخواني الشرطه معاهم ولا حق لك .
ساعاتها لا تلفزيون ولا جرنال ولا حد هيسمعك .

إذا كان مرسي مسك الحكم من شهرين بس وسيطر فيهم على كل السلطات شرطه وجيش وقضاء واعلام .
واغلق قنوات تلفزيون معارضه له ودخل صحفيين السجن وهيدخل المشير وعنان السجن .
وعين كل المحافظين اخوان .
ورؤساء النقابات اخوان .
ورؤساء المحاكم هيعين اخوان .
وبكره كل مجلس الشعب هيكون اخوان بالتزوير زي ما هو جاء بالتزوير ولا هتقدر تتكلم .

ممكن أعرف انت ساكت ليه .

ساكت على حقك ليه .
مش بتنزل وتتكلم وتعبر عن رأيك ليه .
خايف من أيه .

أولاً هم جبناء ولا مليشيات ولا هبل كله عشان يخوفوك بس .

مش مطلوب منك غير النزول معانا تقف في الشارع تقول أنا أأهوووو موجود بينكم .
تقول أنا عندي رأي وشخصيه .
أنا مش جبان ومش خايف من الأخوان .
تقول هجيب حقي وحق الشهداء وحق أولادي .
تقول هنزل وهتوكل على الله .

مش عاوزينك غير انك تنزل بطولك فقط تبقى معانا كثرة عدد .

عددنا الكبير هيخوفهم ويرعبهم ويعرفوا اننا أكتر منهم .

عددنا هيوصل لمرسي وللإخوان رساله إننا ممكن نشيلك في أي وقت .
انزل وقول رأيك محدش عارفك ولا حد يقدر يكلمك وانت مسالم .
ده حقك كفله لك الله عز وجل .
انزل وخد اصحابك وأهلك معاك ولا تخاف من أي شئ احنا بنحمي بعض بعد حمايه ربنا لينا .

حتى لو مش عندك مشكله أو مش بتحب السياسه أو ليس لك هدف من النزول .
انزل هات حق شهداء الحدود وحق أولادك مستقبلاً .
لأن أولادك هيقولوا لك انت يا ابويا ويا امي تركتوا مصر للإخوان ولم تنزلوا للدفاع عن بلدي .

عارفين ليه امريكا واوروبا عاوزين الإخوان .
عشان مصر هتبقى اسلاميه رسمي .
وهتحصل عمليات قتل لمسيحين وتفجيرات كنائس .
تظهر مصر وقتها بلد لا تحمي الأقليات وارهابيه .
يدخل النيو وأمريكا ومجلس الأمن مصر لحماية الأقليات والمسيحيين كما فعلوا في السودان وتقسم مصر .

وهتكون انت السبب لسكوتك وسلبيتك وطناشك .
انزل اقف وبس .
ولو كنت خارج مصر اتصل بأهل وأرسل لهم فلوس وشجعهم على النزول ولا تظل صامتاً .
انزل ولا تفعل أي شيئ غير المشاركه عشان خاطر مصر .
وضع كلمه واحده أمام عينك .
الإخوان هم اخوان الشيطان لا عهد لهم ولا ميثاق .
الإخوان كاذبون منافقون طمعانيين في السلطه .
ولازم تعرف ان أي شيئ بيقوله كذب لكسب الناس والرأي العام فقط لمصلحتهم .
انزل لسه في فرصه .
انزل اليوم اتجه لمصر الجديده – روكسي – قصر الإتحاديه أخواتك وأهلك هناك شاركهم ولا تخاف إلا الله .

بيتك وشغلك مش أهم من مصر .

والإخوان فاسدون في الأرض .

بسم الله الرحمن الرحيم
وَإِذَا قِيلَ لَهُمْ لاَ تُفْسِدُواْ فِي الأَرْضِ قَالُواْ إِنَّمَا نَحْنُ مُصْلِحُونَ (11) أَلا إِنَّهُمْ هُمُ الْمُفْسِدُونَ وَلَـكِن لاَّ يَشْعُرُونَ (12) وَإِذَا قِيلَ لَهُمْ آمِنُواْ كَمَا آمَنَ النَّاسُ قَالُواْ أَنُؤْمِنُ كَمَا آمَنَ السُّفَهَاء أَلا إِنَّهُمْ هُمُ السُّفَهَاء وَلَـكِن لاَّ يَعْلَمُون

Leave a Reply